جاني الخبر يا صاحبي واظلم الكون
قدام عينـي ثـم نطقـت الشهـاده
على العموم اقولهـا ألـف مليـون
مبروك من قلـب شكالـك ابعـاده
مبروك لا يهمك سواليف وضنـون
من عاشق يهديـك فرحـة فـؤاده
سو الفرح اليـوم وابليـس ملعـون
واللي يشب النـار يجنـي رمـاده
انا أول العالم على القصـر يلفـون
أول معازيـم الفـرح والـحـداده
ابشر أنا برقص على العرس بالهون
كـل يعبـر فرحـتـه باجتـهـاده
لو البلا رقصـي يقولـون مزيـون
المشكلـه القـلـب يفـضـح وداده
يوم العذارى فـي دخولـك يغنـون
وعروستك بأحلى ثوانـي السعـاده
كنـت اتمنـى بدالهـا والله اكـون
واحط انا كفي تحت راسك وسـاده
واشلون ابكتم صرختي يوم تمشون
تكفـى ..خذنـي للعروسـه قـلاده
حتى معازيم الفرح قامـوا يمشـون
واصبحت انا وحدي بدون استفـاده
وطفوا علي النور من غير يـدرون
قصر الفرح يا قبر(منيره) ومهـاده
وصيتي لو جاك بنت وانـا امـوت
سميتها لك (منيـره) قبـل الـولاده
الثلاثاء أبريل 29, 2008 7:13 pm
